Idman.biz
İyulun 16-dan 27-dək Almaniyanın Reyn-Rur bölgəsində keçiriləcək Dünya Universiada Oyunlarında Olimpiya kəndi olmayacaq.
İdman.biz xəbər verir ki, idmançılar yarışın keçirildiyi bölgələrdəki otellərdə və universitet yataqxanalarında məskunlaşacaqlar.
Azərbaycan komandasının da iştirak edəcəyi Universiada Duysburq (Düsseldorf yaxınlığında), Bohum, Essen, Hagen və Mülheim, eləcə də Almaniyanın paytaxtı Berlində yerləşən 23 obyektdə keçiriləcək.
Azərbaycan idmançıları atletika, badminton, kamandan oxatma, çimərlik voleybolu, bədii gimnastika, taekvondo, kanoe, üzgüçülük, stolüstü tennis, tennis, cüdo və qılıncoynatma üzrə 12 idman növündə mübarizə aparacaqlar.
Qeyd edək ki, açılış mərasimi iyulun 16-da, bağlanış mərasimi isə iyulun 27-də Duysburqda keçiriləcək. Multiforumda 18 idman növü üzrə 234 mükafat dəsti təqdim olunacaq.
İdman.biz
