Idman.biz
Qətər 2036-cı ildə Yay Olimpiya Oyunlarının keçirmək üçün namizədliyini verməyə hazırdır.
İdman.biz xəbər verir ki, Qətər Olimpiya Komitəsi Beynəlxalq Olimpiya Komitəsi ilə Olimpiya və Paralimpiya Oyunlarına evsahibliyi etmək imkanları barədə danışıqlar apardığını bildirib.
Qətər Olimpiya Komitəsinin prezidenti Şeyx Coaan Bin Hamad Əl-Thani mövzu ilə bağlı belə deyib: "Hazırda bizim idman infrastrukturumuz Olimpiya Oyunlarının keçirilməsinə 95% hazırdır və bütün obyektlərin 100% hazır olmasını təmin edən əhatəli planımız var.
Bu plan uzunmüddətli konsepsiyaya əsaslanır və sosial, iqtisadi və ekoloji dayanıqlı irsin yaradılmasına yönəlib.
Məqsədimiz yalnız uğurlu turnir təşkil etmək deyil, həm də inklüzivlik, davamlı inkişaf və beynəlxalq əməkdaşlıq prinsiplərini birləşdirən qlobal təcrübə təqdim etməkdir".
İdman.biz
