Idman.biz
İrina Zaretska (68 kq) avqust 7-17-də Çinin Çenqdu şəhərində keçiriləcək Dünya Oyunlarına hazırlığını yekunlaşdırır.
İdman.biz xəbər verir ki, Azərbaycan karateçisi multiforum öncəsi son təlim-məşq toplanışını Honkonqda keçirir.
Zaretska hazırlıqla bağlı bunları deyib: "Biz Honkonqda Ukrayna komandası ilə birlikdə təlim-məşq toplanışı keçiririk. Möhtəşəm hazırlıq, atmosfer və idmançılar var. Məşq edirik və əsas hədəflərimizə fokuslanırıq".
Qeyd edək ki, üçqat dünya çempionu, Tokioda keçirilən Olimpiya Oyunlarının gümüş mükafatçısı olan Zaretska Dünya Oyunlarında ikinci dəfə iştirak edəcək.
İdman.biz
