Report.az
Azərbaycanlı paralimpiya çempionu İmaməddin Xəlilov dünya reytinq sıralamasındakı liderliyini qoruyub.
"Report" xəbər verir ki, Dünya Parataekvondo Federasiyası tərəfindən açıqlanan yeni reytinq cədvəlində parataekvondoçumuzun 662.85 xalla (70 kq) liderliyini davam etdirdiyi müəyyənləşib.
58 kq çəki dərəcəsində Paralimpiya Oyunlarının bürünc medalçısı, ötən ay Avropa Gənclər Paralimpiya Oyunlarında qızıl medal qazanan Sabir Zeynalov isə 356.66 xalla üçüncü pillədə qərarlaşıb.
Amin Şıxalıyev (63 kq) ötən reytinq cədvəli ilə müqayisədə 21,60 xalla iki pillə irəliləyərək 28-ci sıraya yüksəlib, Orxan Cəfərov (80 kq) isə 24,74 xalla 30-cu pillədədir.
