Idman.biz
Çin komandası 1982-ci ildən bəri ilk dəfə olaraq 10 metrlik hündürlükdən suya tullanma üzrə dünya çempionatında medal qazana bilməyib.
İdman.biz xəbər verir ki, çinlilər Sinqapurda keçirilən mundialda ilk üçlüyə düşə bilməyiblər.
Qalib avstraliyalı Kassiel Russo olub (534,80). İkinci yeri ukraynalı Aleksey Sereda (515,20), üçüncü yeri isə meksikalı Rendal Vilyars Valdes (511,95) tutub. Çinli suya tullananlar Çju Zifen və Çjao Jençze isə yalnız dördüncü və beşinci olublar.
Sonuncu dəfə Çin idmançıları bu növdə 1982-ci ildə mükafatçılar sırasına düşə bilməmişdilər. Həmin vaxt birinci və üçüncü yerləri amerikalılar Qreq Luqanis və Bryus Kimbell tutmuş, ikinci yerə isə SSRİ təmsilçisi Vladimir Aleynik sahib olmuşdu.
Qadınlar arasında 10 metrlik hündürlükdən suya tullanma yarışlarında isə Çin komandası sonuncu dəfə 1978-ci ildə medalsız qalıb.
İdman.biz
