Idman.biz
Azərbaycan indiyədək iştirak etdiyi bütün Universiadalarda qazandığı medalların sayını 53-ə yüksəldib.
İdman.biz xəbər verir ki, indiyədək Universitet Oyunlarında idmançılarımız 15 qızıl, 16 gümüş və 22 bürünc medal qazanıb.
Almaniyanın Reyn-Rur bölgəsində yeni başa çatan Universiadada Azərbaycan komandası 2 qızıl və 2 gümüş medal əldə edərək ümumi sıralamada 24-cü yeri tutub.
Bədii gimnastika üzrə qrup hərəkətləri komandamız – Ləman Əlimuradova, Güllü Ağalarzadə, Darya Sorokina, Kamilə Əliyeva və Yelizaveta Luzan iki qələbə qazanıb, bir dəfə də ikinci olub. İkinci gümüş medalı ölkəmizə cüdoçu Elcan Hacıyev (90 kq) qazandırıb.
İdman.biz
