Sport24.az
Sabah Almaniyanın Reyn-Rur bölgəsində Dünya Universiadası başlayacaq. Sport24.az xəbər verir ki, Azərbaycan idmançılarının ikinci qrupu uğurla Düsseldorf şəhərinə çatıb və tezliklə mübarizəyə qoşulacaq.
Bədii gimnastika və taekvondo komandalarının yolu tranzit reysi ilə İstanbuldan keçib. Türkiyəyə çatdıqdan bir neçə saat sonra idmançılar Düsseldorf istiqamətində uçan təyyarəyə miniblər. Həmin reysdə müxtəlif ölkələrdən – Türkiyə, Özbəkistan, Pakistan və Makaodan olan atletlər də yer alıb. Sərnişinlər vaxtlarını fərqli şəkildə keçiriblər: çoxu dincəlib, bəziləri isə planşetdə film izləyib.
Düsseldorf idmançıları gözəl hava ilə qarşılayıb.
İndi komanda akkreditasiyadan keçmək və yerləşmə məntəqələrinə yollanmaq üçün hazırlaşır.
Qeyd edək ki, Universiadanın açılış mərasimi sabah Duisburq şəhərində baş tutacaq.
