Idman.biz
Dördqat Olimpiya iştirakçısı Anna Skidan, böyük ehtimalla, Yaponiyanın paytaxtı Tokioda keçiriləcək atletika üzrə dünya çempionatını buraxacaq.
İdman.biz xəbər verir ki, Azərbaycan yığmasının idmançısı ana olmağa hazırlaşır və hazırda analıq məzuniyyətindədir.
Bu səbəbdən çəkicatmada çıxış edən idmançı mövsümün əsas yarışı üçün forma yığa bilməyəcək.
Skidanın yüksək nəticələri və reytinqdəki mövqeyi ona dünya çempionatında iştirak etməyə imkan verirdi.
Qeyd edək ki, atletika mundialı sentyabrın 13-21-də keçiriləcək.
İdman.biz
