Idman.biz
Bakıda keçirilən idman gimnastikası üzrə "AGF Trophy" beynəlxalq turnirinin ilk günü başa çatıb.
İdman.Biz xəbər verir ki, Milli Gimnastika Arenasında təşkil olunan yarışın ilk günündə gənclər kateqoriyasında Azərbaycan, Özbəkistan, Ukrayna və Macarıstandan gimnastlar, eləcə də neytral statuslu idmançılar (AİN) çıxış ediblər.
Azərbaycan idmançılarından Leyla Məmmədzadə çoxnövçülük proqramında bürünc medal əldə edib.
Qızlardan və oğlanlardan ibarət yığmalarımız isə komanda hesabında üçüncü yeri tutublar.
Turnirdə Azərbaycan 16 gimnastla təmsil olunur.
Qızların mübarizəsində Nazənin Teymurova, Dəniz Əliyeva, Aytən Məmmədova, Xədicə Abbaszadə, Albina Əliyeva, Leyla Məmmədzadə, Aynaz Məcidzadə və Lalə Zamanlı medal uğrunda mübarizə aparırlar.
Oğlanlar arasında isə Rəsul Əhmədzadə, Aydın Əlizadə, Nikita Simonov, Miryusif Əhmədzadə, İlham Salayev, Mahir Səlimov, İsgəndər Cavadzadə və Məhəmməd Rüstəmzadə qüvvələrini sınayır.
Turnirə mayın 16-da yekun vurulacaq.
15:25
Milli Gimnastika Arenasında idman gimnastikası üzrə "AGF Trophy" beynəlxalq turniri start götürüb.
İdman.Biz xəbər verir ki, yarışda 10-a yaxın ölkədən idmançılar bacarıqlarını nümayiş etdirirlər.
Azərbaycan turnirdə 16 gimnastla təmsil olunur.
Qadın gimnastların yarışında Nazənin Teymurova, Dəniz Əliyeva, Aytən Məmmədova, Xədicə Abbaszadə, Albina Əliyeva, Leyla Məmmədzadə, Aynaz Məcidzadə və Lalə Zamanlı mübarizə aparırlar.
Kişi gimnastların yarışında isə Rəsul Əhmədzadə, Aydın Əlizadə, Nikita Simonov, Miryusif Əhmədzadə, İlham Salayev, Mahir Səlimov, İsgəndər Cavadzadə və Məhəmməd Rüstəmzadə medal uğrunda yarışırlar.
Mayın 16-da başa çatacaq "AGF Trophy" turnirində Özbəkistan, Ukrayna və Macarıstandan olan gimnastlarla yanaşı, neytral status altında çıxış edən idmançılar (AIN) da iştirak edirlər.
