Idman.biz
"Bir aya yaxındır ki, yeni mövsümə hazırlaşırıq. Yeni oyunçularımız gəlib, onlarla da tanış oluruq, bir-birimizə öyrəşirik. Hər şey tamamilə plana uyğun gedir, narahat edən bir şey yoxdur".
İdman.biz xəbər verir ki, bunu "Araz-Naxçıvan"ın legioneri Felipe Santos Sportal.az saytına açıqlamasında deyib.
O, komandasının yoxlama oyunlarından da bəhs edib: "Yoxlama görüşləri keçirdik. Həmin matçlar rəsmi görüşlər hazır olmağımız üçün hesablanmışdı. Biz əlimizdən gələni etməliyik ki, iyulun 24-də keçirəcəyimiz matça hazır olaq. İndi yalnız məhz həmin görüşə qədər tam hazır olmağı düşünürük. Əlbəttə, yeni gələn oyunçular komandamızı daha da gücləndirdilər. Ümid edirəm ki, keçən mövsümdən daha yaxşısını edə bilərik".
Santos Konfrans Liqasının 2-ci tənisfat mərhələsinin "Aris"lə görüşünə kökləndiklərini deyib: "Bütün fikrimizi "Aris"lə görüşə yönəltmişik. Məqsədimiz "Aris"lə Bakıdakı oyunda qalib gəlməkdir. Komandamıza inamım var".
İdman.biz
