Idman.biz
"Hazırlığımız plan üzrə gedir. Bugünkü matçdakı rəqibimiz Türkiyə Super Liqası komandasıydı. "Alanyaspor"la oyunda da demək olar, heyətin bütün üzvlərinə şans verdik".
İdman.biz xəbər verir ki, bunu "Araz-Naxçıvan"ın baş məşqçi Elmar Baxşıyev deyib.
Təcrübəli mütəxəssis bu gün "Alanyaspor"la keçirilən yoxlama oyununda qeydə alınan 0:0 hesablı heç-heçəni şərh edib: "Hamını məşqlə paralel oyunda da yoxlamaq istəyirik. Oyundan oyuna daha yaxşı təsir bağışlayırıq. Əlbəttə səhvlər, çatışmazlıqlar olur. Biz də bu cür matçlarda həmin problemləri aşkarlamaq, məşqlərdə aradan qaldırmağa istəyirik. Uşaqlar çox istəklidirlər. Bu da sevindirici məqamdır. Ümumi götürdükdə, komandanın performansından razı qaldım".
İdman.biz
