Təlim-məşq toplanışını iyulun 5-dən Türkiyənin Ərzurum şəhərində davam etdirən "Araz-Naxçıvan"ın keçirəcəyi yoldaşlıq oyunlarının tarixi və rəqibləri müəyyənləşib.
İdman.biz xəbər verir ki, Azərbaycan təmsilçisi hər 3 matçda Türkiyə təmsilçiləri ilə qarşılaşacaq.
Elmar Baxşıyevin komandası iyulun 9-da "Bayburtspor"la üz-üzə gələcək. 2 gün sonra "Alanyaspor"la oynayacaq "Araz-Naxçıvan" son matçını "Trabzonspor"a qarşı keçirəcək. Görüş iyulun 17-də olacaq.
İdman.biz