Sport24.az
Misli Premyer Liqasının XXIII turunda bu gün keçiriləcək "Zirə" - "Kəpəz" oyunu komandaların çempionatda 27-ci matçı kimi tarixə düşəcək. Sport24.az xəbər verir ki, əvvəlki 26 qarşılaşmanın 15-də Bakı klubu, 3-də Gəncə təmsilçisi qalib gəlib. 8 görüşdə heç-heçə qeydə alınıb. Topların nisbətində də "qartallar"ın aşkar üstünlüyü var - 43:17.
"Zirə" bu rəqibə qarşı Premyer Liqadakı son 8 görüşdə qələbə qazanıb. Ümumiyyətlə isə "Kəpəz" son 7 matçda qol vura bilmir.
Gəncəlilərin qol vurduğu sonuncu oyun 2024-cü ilin martın 16-da baş tutub. "Sarı-göylər"in qalib gəldiyi axırıncı matç 2017-ci il martın 13-də baş tutub.
Qeyd edək ki, bu gün keçiriləcək "Zirə" - "Kəpəz" qarşılaşması saat 18:30-da start götürəcək.
