Idman.biz
"Turan Tovuz" futbol klubu Premyer Liqada 100-cü ev qoluna imza atıb.
İdman.Biz xəbər verir ki, bu barədə Peşəkar Futbol Liqası məlumat yayıb.
Bildirilib ki, yubiley qolunu Xorxe Silva vurub.
O, Misli Premyer Liqasının dördüncü turunun "Sumqayıt"la görüşündə qələbə (2:1) topunun müəllifi olub.
Bu, komandanın turnirdəki 73-cü ev görüşünə təsadüf edib. "Turan Tovuz" Premyer Liqada 100 və daha çox qol vuran 24-cü komanda olub.
Qeyd edək ki, klub tarixində Premyer Liqadakı ilk qol 2022-ci il sentyabrın 9-da vurulub. "Kəpəz"lə görüşdə (2:0) hesabı Runi Eva açıb.
