Amerika futbolunun əfsanəsi Tom Bredi "Çelsi"nin səhmlərinin bir qisminə sahib çıxıb. ESPN-in məlumatına görə, 49 yaşlı keçmiş idmançı İngiltərə klubuna nəzarət edən "Clearlake Capital" şirkətinə investor kimi qoşulub.
Bredinin klubda əməliyyat məsələləri üzrə məsləhətçi kimi fəaliyyət göstərəcəyi gözlənilir. Əldə etdiyi payın həcmi və maliyyə şərtləri açıqlanmayıb.
Qeyd edək ki, Bredi daha əvvəl "Birmingem"in 3,3 faiz səhminə sahib olub və 2026-cı ilin noyabrında klubun səhmdarları sırasından çıxıb. O, həmçinin NFL-də çıxış edən "Las-Veqas Rayders"in də səhmlərinin bir qisminin sahibidir.
Peşəkar karyerasını 2023-cü ilin fevralında başa vuran Bredi "Nyu-İngland Peytriots"la 6, "Tampa-Bey Bukkanirs"lə isə 1 dəfə Superboulun qalibi olub. O, beş dəfə Superboulun ən dəyərli oyunçusu seçilib.