"Liverpul"un sabiq müdafiəçisi Ceymi Karrager Maurisio Poçettinonun "Mançester Yunayted"in baş məşqçi təyin edilməsinə münasibət bildirib.
Veteran futbolçu argentinalı mütəxəssisin karyerasını xilas etmək üçün bu fürsətdən yararlanacağını bildirib: "İroniya ondadır ki, "Mançester Yunayted" əvvəlki gücünü qaytarmaq üçün karyerasının yenidən canlanmasına ehtiyacı olan məşqçiyə müraciət edib. "Yunayted"ə əvvəlcə komandanı aşağı liqaya düşmək təhlükəsindən xilas edəcək, daha sonra əvvəlki səviyyəsinə qaytaracaq mütəxəssis lazımdır. Poçettino isə məşqçilik karyerasını xilas etmək üçün "Mançester Yunayted" kimi kluba ehtiyac duyurdu. Poçettino İngiltərəyə yaxşı reputasiya ilə qayıdır, lakin qazandığı titullar onun haqqında səslənən yüksək fikirləri hələ tam doğrultmur. Bu, onun üçün böyük fürsətdir: tənqidlərə son qoymaq və nəslinin ən istedadlı məşqçilərindən biri olduğunu sübut etmək. Doğrusu, heç onun özü də bir daha belə bir şans qazanacağına inanmırdı".