Idman.biz
Madrid "Real"ının sabiq baş məşqçisi Xabi Alonso vəzifəsindən azad olunmasını əsassız və səhv qərar adlandırıb.
İdman.Biz xzəbər verir ki, bu barədə "The Athletic" məlumat yayıb.
İspaniya Superkuboku uğrunda "Barselona" ilə keçirilən və 2:3 hesabı ilə başa çatan oyundan sonra Alonso klubun məşq bazasına dəvət olunub. Orada o, "Real"ın baş icraçı direktoru Xose Anxel Sançeslə görüşüb. Görüş zamanı mütəxəssisə əməkdaşlığa son qoyulduğu bildirilib.
Alonso bu qərarla qətiyyən razılaşmadığını vurğulayaraq, onu ədalətsiz və yanlış adlandırıb. O, istefasının səbəblərini klub daxilində mövcud olan və "qalaktikosların hakimiyyət mədəniyyəti" kimi xarakterizə etdiyi sistemlə əlaqələndirib.
Qeyd edək ki, Xabi Alonso Madrid təmsilçisinin baş məşqçisi vəzifəsinə 1 iyun 2025-ci ildə təyin olunmuşdu. Onun istefaya göndərildiyi vaxt "Real" La Liqanın turnir cədvəlində ikinci, Çempionlar Liqasında isə yeddinci pillədə qərarlaşmışdı.
