Sport24.az
La Liqa prezidenti Xavyer Tebas "Real"ın prezidenti Florentino Peresi "Neqreyra" işi üzrə "Barselona"nın cəzalandırılması cəhdlərində ikiüzlülükdə günahlandırıb. Sport24.az xəbər verir ki, bu barədə "Barca Universal" məlumat yayıb:
"Real"ın prezidenti "Neqreyra işinin" İspaniya futbolunda indiyə qədər baş verən ən pis hadisə olduğunu deyib. Bu, yalandır.
2008-2013-cü illər arasında ölkəmizdə oyunların alqı-satqısı olub. Komandalar La Liqada qalmaq üçün danışıqlara gediblər.
Onda Florentinonun mövqeyi nə idi? O, buna göz yumub. 2010-cu ildə "Herkules"in prezidenti ilə telefon danışığında oyunların alqı-satqısı qeyd olunub. Kim göz yumub? Kim istintaqı dəstəkləməyib? "Real".
"Barselona Super Liqa layihəsindən çıxdığını bildirən kimi "Real" hüquqi hücuma başlayıb".
Qeyd edək ki, araşdırmanın nəticəsinə görə, "Barselona" Hakimlər Komitəsinin keçmiş vitse-prezidenti Xose Mariya Enrikes Neqreyraya hakim məsləhəti üçün təxminən 7,2 milyon avro köçürüb.
