Sport24.az
Argentina millisinin baş məşqçisi Lionel Skaloni dünya çempionatının 1/8 finalında Misirlə keçiriləcək oyun öncəsi mətbuat konfransında maraqlı açıqlamalar verib. Sport24.az xəbər verir ki, argentinalı mütəxəssis mümkün Argentina – İspaniya finalını arzuladığını, lakin hər iki komandanın hələ uzun yol keçməli olduğunu bildirib:
"Argentina – İspaniya finalı üçün dərhal imza atardım. Bu, hər iki komandanın çox uğurlu turnir keçirdiyini göstərərdi. Amma qarşıda hələ çox çətin oyunlar var və hər iki komandanın qət etməli olduğu uzun yol mövcuddur".
53 yaşlı çalışdırıcı dünya çempionatında heç bir komandanın aşkar favorit olmadığını da vurğulayıb. O, həmçinin komandanın lideri Lionel Messinin vəziyyətinə də aydınlıq gətirib:
"Messi özünü yaxşı hiss edir və Misirə qarşı oynayacaq. O, əvvəlki matçda 120 dəqiqə meydanda olsa da, yorğunluqdan şikayət etməyib".
Skaloni Misirin təhlükəli rəqib olduğunu, xüsusilə də Məhəmməd Salah kimi yüksək səviyyəli futbolçuya sahib olduqlarını qeyd edərək komandasının rəqibi ciddi qəbul etdiyini vurğulayıb. O, yarımmüdafiəçi Leandro Paredesnin də start heyətində oynamağa hazır olduğunu əlavə edib.
