Lent.az
İran hücumçu Sərdar Azmun əmlakını müsadirə edir.
Lent.az xəbər verir ki, İslam Respublikasının hökuməti futbolçu ilə bağlı tədbirlərin tətbiqi barədə qərar qəbul edib.
Hazırda ərəb klubu "Əl-Əhli"nin formasını geyinən futbolçunun əmlakı müsadirə olunacaq. Məlumata görə, o, Golestan vilayətinin prokurorluğu tərəfindən əmlakı dövlət xeyrinə müsadirə ediləcək 16 nəfərlik siyahıya daxil edilib.
Azmuna qarşı irəli sürülən iddiaların əsasını onun İsrail və ABŞ timsalında "düşmənə yardım göstərməkdə" ittiham olunması təşkil edir. Daha əvvəl futbolçu Birləşmiş Ərəb Əmirliklərinin lideri
Məhəmməd bin Zayedlə fotosunu paylaşdıqdan sonra İran milli komandasından uzaqlaşdırılıb. Bu şəkil onun vətənində BƏƏ-yə dəstək kimi qiymətləndirilib.
