Idman.biz
UEFA Çempionlar Liqasının əsas mərhələsində "Mançester Yunayted"lə qarşılaşacaq "Sabah"ın İngiltərəyə səfər planı müəyyənləşib.
Klubun mətbuat katibi Elnur Həmidov İdman.Biz-ə açıqlamasında bildirib ki, komanda sabah günorta saatlarında İngiltərəyə yola düşəcək.
O bildirib ki, "Sabah"ın heyətində bir neçə zədəli futbolçu var və onların "Mançester Yunayted"lə görüşdə iştirak edib-etməyəcəyi hələlik məlum deyil:
"Zədəli futbolçular arasında Ksander Severina, Stiv Solvet və Umarali Raxmonaliyev də yer alır. Onların oyuna qədər tam hazır olub-olmayacağı dəqiq deyil".
Qeyd edək ki, "Mançester Yunayted" - "Sabah" matçı sentyabrın 10-da keçiriləcək. Görüş Bakı vaxtı ilə saat 23:00-da "Old Trafford" stadionunda başlayacaq.
