Sport24.az
"Qalatasaray" yarımmüdafiə xəttini yeni oyunçu ilə gücləndirməyi planlaşdırır. Sport24.az xəbər verir ki, İstanbul nəhənginin əsas hədəfi "İnter"də çıxış edən Hakan Çalhanoğludur.
Bu barədə "Fanatik" nəşri məlumat yayıb.
"Sarı-qırmızılar" Türkiyə millisinin üzvünü mövsümün sonunda heyətinə qatmağa çalışacaq. "Qalatasaray" yayda 1 illik müqaviləsi qalacaq 32 yaşlı futbolçu üçün İtaliya klubuna 10 milyon avroluq təklif göndərəcək.
Qeyd edək ki, Hakan Çalhanoğlu 2021-ci ilin yayından "İnter"də çıxış edir. Təcrübəli yarımmüdafiəçi cari mövsümdə Milan təmsilçisinin heyətində meydana çıxdığı 26 rəsmi matçda 9 qol və 4 məhsuldar ötürmə ilə yadda qalıb.
