Lent.az
İngiltərə Premyer Liqası ilə digər Avropa çempionatları arasındakı maliyyə fərqi sürətlə artmaqda davam edir.
Lent.az bildirir ki, Britaniya mediasının məlumatına görə, bu mövsüm Premyer Liqadan "Çempionşip"ə düşən "Bernli" televiziya hüquqlarından təxminən 58 milyon avro qazanıb.
Müqayisə üçün, İspaniya çempionu "Barselona" televiziya hüquqlarından yalnız 53 milyon avro alacaq.
Maraqlıdır ki, "Bernli" son altı ildə üçüncü dəfə Premyer Liqadan düşüb, lakin bu vəziyyətdə belə klub Premyer Liqanın inanılmaz dərəcədə bahalı televiziya müqavilələri sayəsində böyük gəlir əldə etməyə davam edir.
İngilis klublarının maliyyə üstünlüyü onların Avropa yarışlarında dominantlığının əsas səbəblərindən biri hesab olunur. Bu mövsüm İngiltərə təmsilçiləri yenidən Avropa yarışlarının final mərhələsinə yüksəliblər və finalçılar arasında "Arsenal", "Aston Villa" və "Kristal Pelas" da var.
Qeyd edək ki, finalda Almaniyanın "Frayburq" ilə qarşılaşan "Aston Villa" Avropa Liqasının qalibi olub.
Bu arada, televiziya gəlirlərinin xeyli aşağı olmasına baxmayaraq, Barselona bunu qlobal brend tanınması, reklam müqavilələri, mal satışları və bilet satışları ilə kompensasiya edir.
