Sport24.az
"Tottenhem" yeni mövsüm üçün baş məşqçi postunda dəyişiklik etməyi planlaşdırır. Spor24.az xəbər verir ki, London təmsilçisini çalışdırmağa namizədlərdən biri hazırda "Qalatasaray"ın baş məşqisi olan Okan Burukdur.
Bu barədə "Tuttomercato" nəşri məlumat yayıb.
Premyer Liqa nəhəngi türkiyəli mütəxəssislə danışıqlar aparacaq. Okan Burukla İtaliyanın "Latsio", Səudiyyə Ərəbistanının "Əl-İttihad" klubları da yaxından maraqlanır.
Qeyd edək ki, Okan Buruk 2022-ci ilin yayında "Qalatasaray"ın baş məşqçisi postuna təyin olunub. Komanda onun rəhbərliyi altında ardıcıl üç mövsüm Türkiyə çempionu olub, hazırda isə Super Liqada liderdir. 52 yaşlı çalışdırıcının İstanbul klubu ilə müqaviləsi mövsümün sonunda başa çatır.
