Braziliyalı ulduz Neymar sosial mediada Vinisius Juniorun keçmiş sevgilisi Virciniya Fonseka ilə romantik münasibətləri barədə şayiələri təkzib edib.
Lent.az-ın xarici mediaya istinadən xəbərinə görə, "Formula-1" Braziliya Qran-prisində görüşdən sonra yayılan şayiələrə cavab olaraq Neymar şəxsi həyatı ilə bağlı əsassız xəbərlərin həddindən artıq getdiyini bildirib.
Hazırda Braziliyanın "Santos" klubunda oynayan dünyaca məşhur futbolçu Neymar Vinisius Juniorun keçmiş sevgilisi Virciniya Fonseka ilə münasibətləri barədə şayiələrə cavab verib. 34 yaşlı ulduz şayiələrin yalan olduğunu vurğulayıb və şəxsi həyatı ilə bağlı yayılan xəbərlərə mənfi reaksiya verib.
Şayiələr Neymarın noyabrın 6-da "Formula-1" Braziliya Qran-prisi zamanı keçirilən özəl tədbirdə Virciniya Fonseka ilə görüşündən sonra yayılıb. Yayılan görüntülər ikisinin görüşdüyü barədə şayiələri daha da artırıb.
Xəbərin yayılmasından sonra Neymarın mətbuat komandası və Virciniya Fonseka əvvəlcə təkzib veriblər.
Lakin şayiələr davam etdikcə, Neymar özü sosial media hesabında açıqlama verib: "Hekayələrimdə adətən bu cür mövzulara toxunmuram, amma bu dəfə onlar həddi aşdılar. Başqası ilə münasibətdə olduğum barədə əsassız şayiələr yayılır və mən bunu qəti şəkildə təkzib edirəm. İnsanların həqiqətdən daha çox adlara əsaslanan şişirdilmiş hekayələrlə maraqlanması həqiqətən kədərlidir. Komandam artıq bu məsələ ilə bağlı lazımi açıqlamanı verib, amma özüm danışmağa məcbur oldum. Hamınıza çoxlu sevgilər".