Sport24.az
Braziliyanın Mineiro çempionatının finalında "Kruzeiro" və "Atletiko Mineiro" komandalaranın arasında kütləvi dava baş verib. Hadisə nəticəsində 23 futbolçu sonradan qırmızı vərəqə ilə cəzalandırılıb. Sport24.az xəbər verir ki bu barədə "Globo" məlumat yayıb.
Belo Horizontedə keçirilən oyunda Kaio Jorqenin qolu ilə "Kruzeiro" 1:0 hesabı ilə qalib gələrək Minas Jereys ştatının çempionu olub. Oyunun son dəqiqələrində "Atletiko Mineiro"nun qapıçısı Eversonun müdaxiləsi kütləvi dava ilə nəticələnib. Hadisə zamanı həm təhlükəsizlik əməkdaşları və hərbi polis oyuna müdaxilə edib.
Nəticədə "Kruzeiro"dan 12, "Atletiko Mineiro"dan isə 11 futbolçu qırmızı vərəqə alıb.
Qeyd edək ki, finaldakı qələbədən sonra "Kruzeiro" Mineiro çempionatının kubokunu tarixində 39-cu dəfə başı üzərinə qaldırıb.
