Idman.biz
Lionel Messinin milli komandadakı karyerasını başa vurmasından sonra Argentina yığmasının keçirdiyi ilk oyun azarkeş marağının kəskin azalması ilə yadda qalıb.
İdman.Biz Argentinanın "Clarín" nəşrinə istinadən xəbər verir ki, Buenos-Ayresdəki "La Bombonera" stadionunda Uruqvaya qarşı keçirilən yoldaşlıq görüşünü cəmi 20-25 min tamaşaçı izləyib. Halbuki stadion 55 min azarkeş tutumuna malikdir.
Məlumata görə, matçın başlanmasına az qalmış tribunada 15 mindən bir qədər çox tamaşaçı olub. Mərkəzi tribunaların aşağı və orta mərtəbələri demək olar ki, dolsa da, yuxarı mərtəbə bağlı saxlanılıb. Qapıların arxasındakı sektorlarda isə çoxlu boş yerlər qalıb.
Görüş başladıqdan sonra təşkilatçılar stadionun giriş qapılarının açılması və turniketlərin götürülməsi barədə göstəriş veriblər. Bunun nəticəsində tamaşaçı sayı 20-25 minə çatıb.
Rəsmi məlumata əsasən, qarşılaşma üçün 24 mindən bir qədər çox bilet satılıb.
Qeyd edək ki, Messinin yığmadan ayrılmasından sonra ilk matçına çıxan Argentina millisi Uruqvaya 1:2 hesabı ilə məğlub olub.
