Sport24.az
Misir millisinin kapitanı Məhəmməd Salahın "Liverpul"dan ayrıldıqdan sonra gələcəyi qeyri-müəyyən olaraq qalır. Sport24.az xəbər verir ki, misirli oyunçu üçün əsas namizədlər Səudiyyə Ərəbistanı Pro Liqası klubları hesab olunur.
34 yaşlı futbolçu karyerası üçün bir neçə variantı nəzərdən keçirir. Lakin o, Misir millisinin DÇ-2026-da iştirakından əvvəl yekun qərarını vermək niyyətində deyil. Onun xidmətində Avropa və ABŞ klubları da maraqlıdır.
Mümkün istiqamətlər arasında "İnter", "Roma" və "Yuventus"un maraq göstərdiyi İtaliyaya qayıtmaq da var.
"Qalatasaray", "Fənərbaxça" və MLS komandaları vəziyyəti yaxından izləyir. "Çelsi" nəzəri olaraq Salahın geri qayıtmasına çalışır. Amma futbolçu mundialdan sonra qəti qərarını verərək, karyerasına harada davam edəcəyini bildirəcək.
