Idman.biz
İspaniya La Liqasının 34-cü turunun "Alaves" və "Atletik Bilbao" komandaları arasında keçirilən oyun başa çatıb. Komandalar Vitoriyadakı "Mendizorroza" stadionunda qarşılaşıblar. Qonaq komanda matçı 4:2 hesabı ilə qazanıb.
"Alaves"in yarımmüdafiəçisi Antonio Blanko səkkizinci dəqiqədə hesabı açıb. "Atletik"in hücumçusu Robert Navarro 46-cı dəqiqədə hesabı bərabərləşdirib. Müdafiəçi Nahuel Tenalla 68-ci dəqiqədə ev sahibi komandanı irəli çıxarıb. Altı dəqiqə sonra "Atletik"in yarımmüdafiəçisi Oian Sanset hesabı bərabərləşdirib. Hücumçu Niko Uilyams 83-cü dəqiqədə komandasını irəli çıxarıb və dörd dəqiqə sonra ikinci qolunu vurub.
"Alaves" İspaniya liqasında 34 oyundan 36 xalla 17-ci yerdədir. "Atletik" isə 44 xalla La Liqa turnir cədvəlində səkkizinci yerdədir.
20:50
İspaniya La Liqasının 34-cü turunun "Valensiya" və "Atletiko Madrid" komandaları arasında keçirilən oyun başa çatıb. Komandalar Valensiyadakı "Mestalla" stadionunda qarşılaşıblar. Qonaq komanda matçı 2:0 hesabı ilə qazanıb.
"Atletiko Madrid"in hücumçusu İker Luke 74-cü dəqiqədə hesabı açıb. Migel Loryente 82-ci dəqiqədə Valensiya klubuna qapısına ikinci qolu vurub.
"Valensiya" İspaniya liqasında 34 oyundan 39 xalla 11-ci yerdədir. "Atletiko Madrid" isə 63 xalla La Liqa turnir cədvəlində dördüncü yerdədir.
18:09
İspaniya La Liqasının 34-cü turunun "Vilyarreal" və "Levante" komandaları arasında keçirilən oyun başa çatıb.
İdman.Biz bildirir ki, komandalar Vilyarrealdakı "Estadio Céramica" stadionunda qarşılaşıblar. Ev sahibi komanda 5:1 hesabı ilə qalib gəlib.
38-ci dəqiqədə "Vilyarreal"ın hücumçusu Xorxe Mikautadze hesabı açıb. Yarımmüdafiəçi Karlos Espi 51-ci dəqiqədə hesabı bərabərləşdirib. 62-ci dəqiqədə hücumçu Alberto Moleyro ev sahibi komandanı yenidən irəli çıxarıb. 68-ci dəqiqədə Mikautadze ikinci qolunu vurub. 86-cı dəqiqədə Teiyon Byukenen "Vilyarreal"ın üstünlüyünü artırıb. 90-cı dəqiqədə hücumçu Nikolas Pepe yekun hesabı təmin edib.
"Vilyarreal" 34 oyundan 68 xalla İspaniya liqasında üçüncü yerdədir. 33 xalla "Levante" La Liqada 19-cu yerdədir.
