Idman.biz
İranda keçirilən etiraz aksiyaları zamanı idman ictimaiyyəti üçün də ağır nəticələr yaşanıb.
İdman.Biz xəbər verir ki, Təbrizin "Traktor" futbol klubunun sabiq oyunçusu Muctaba Tərşiz həyat yoldaşı ilə birlikdə etirazlar zamanı güllələnərək öldürülüb.
Eyni hadisələr zamanı Tehranın Narmak rayonunun "Mahan Novin" həvəskar futbol komandasının baş məşqçisi Mehdi Ləvasani də açılan atəş nəticəsində ağır yaralanıb. Güllə onun kürəyindən daxil olaraq sinəsinin ön hissəsindən çıxıb.
Hər iki hadisə barədə rəsmi açıqlama verilməyib.
Qeyd edək ki, bir neçə gündür İranda sosial problemlərə görə kütləvi etiraz aksiyaları keçirilir.
