Idman.biz
Bundesliqanın 17-ci turunun "Hamburq" və "Bayer Leverkuzen" komandaları arasında oyunu qar yağması səbəbindən təxirə salınıb.
İdman.Biz bildirir ki, Bundesliqanın mətbuat xidməti təxirəsalmanı rəsmi olaraq açıqlayıb.
Komandaların bu gün, 13 yanvarda Hamburqdakı "Volksparkstadion" stadionunda oynaması planlaşdırılırdı.
Matçın hava şəraiti və əlaqəli risklər səbəbindən təxirə salındığı bildirilir. Yeni tarix tezliklə açıqlanacaq. Ötən həftə "Sankt-Pauli" – "RB Leypsiq", eləcə də "Verder" – "Hoffenhaym" oyunları oxşar səbəblərdən təxirə salınıb.
"Bayer Leverkuzen" Bundesliqanın turnir cədvəlində 16 oyundan 29 xalla dördüncü yerdədir. "Hamburq" isə 16 xalla 13-cü yerdə qərarlaşıb.
