Lent.az
Böyük Britaniyada 15 yaşlı futbolçu Ameliya Eplin oyun zamanı meydanda vəfat edib.
Lent.az-ın xarici mediaya istinadla məlumatına görə, hadisə 8 martda qadın akademiyalarının "Oksford" və "Fulhem" komandaları arasında keçirilən oyunda baş verib.
Qeyd olunur ki, gənc idmançı huşunu itirib. Tibbi xidmət əməkdaşları ona kömək etməyə çalışsalar da, qızı xilas etmək mümkün olmayıb.
"Oksford" klubu Ameliyanın ailəsinə, dostlarına, komanda yoldaşlarına və məşqçilərinə başsağlığı verilib. Klub həmçinin operativ fəaliyyətlərinə görə tibb işçilərinə və təcili xidmət əməkdaşlarına təşəkkür edib.
Klub rəhbərliyi bildirib ki, faciədən təsirlənən hər kəsə dəstək göstəriləcək. Qızın ölüm səbəbi açıqlanmayıb.
