Sport24.az
"Neftçi"nin oyunlarını yaxından izləyirəm". Bu sözləri Sport24.az-a açıqlamasında "ağ-qaralar"ın sabiq futbolçusu Baqali Dabo deyib.
37 yaşlı keçmiş hücumçu paytaxt təmsilçisinin növbəti mövsümdə də uğur qazanacağına inandığını bildirib:
"Yuri Vernidubun gəlişindən sonra komandanın oyun üslubu dəyişdi. Mövsümün sonlarına yaxın yaxşı nəticələr əldə olundu Düşünürəm ki, komanda Konfrans Liqasında da uğurlu olacaq və daha da irəli gedəcək. Çünki "Neftçi" bu potensiala sahibdir".
Dabo yenidən Azərbaycana gəlmək istədiytini bildirib: "Hazırda işim çox olduğu üçün səfər edə bilmirəm. Yəqin ki, yaxın zamanda Bakıya təşrif buyuracağam".
Qeyd edək ki, Baqali Dabo 2018-2020-ci illərdə "Neftçi"də çıxış edib.
