Idman.biz
Bu gün 17 yaşadək futbolçulardan ibarət Azərbaycan millisi növbəti oyununa çıxacaq.
İdman.Biz xəbər verir ki, U-17 yığmamız Avropa çempionatının seçmə mərhələsinin ikinci raundu çərçivəsində ikinci matçını keçirəcək.
B Liqasının ikinci qrupunda yer alan komandamız Bolqarıstanın Plovdiv şəhərində Litva yığması ilə üz-üzə gələcək.
Görüş Nikola Şterev - Starika İdman Kompleksində təşkil olunacaq və Bakı vaxtı ilə saat 13:00-da start götürəcək.
Qarşılaşmanı Türkiyə və Bolqarıstandan olan hakimlər briqadası idarə edəcək.
27 mart
13:00. Litva (U-17) – Azərbaycan (U-17)
Baş hakim: Ozan Ergün (Türkiyə)
Baş hakimin köməkçiləri: Murat Altan (Türkiyə), Todor Vukov (Bolqarıstan)
Dördüncü hakim: Georgi Stoyanov (Bolqarıstan)
Plovdiv, Nikola Şterev - Starika İdman Kompleksi
