Sport24.az
"Arsenal"ın sabiq futbolçusu Aleks Oksleyd-Çemberlen bildirib ki, Mikel Arteta hələ oyunçu olduğu dövrdə komandanın matç öncəsi taktikasına rəhbərlik edirdi. Sport24.az xəbər verir ki, 32 futbolçu bu barədə "In The Mixer" verilişində danışıb.
Oksleyd-Çemberlen bildirib ki, Arteta böyük oyunlar öncəsi futbolçulara rəqibləri analiz etməyi öyrədib:
"Mançester Siti" və digər böyük oyunlar öncəsi Mikel bizim üçün əsas söz sahibi idi. Rəqibin künc zərbələrində nə etdiyini bilməli idik. O, bunu bizə hələ oyunçu olduğu vaxt aşılayırdı".
Oksleyd-Çemberlen əlavə edib ki, Arteta taktiki detallara həmişəkindən daha çox diqqət yetirirmiş və bu, onu fərqləndirirmiş.
