Sport24.az
37 yaşlı braziliyalı müdafiəçi Alan Ruşel karyerasını başa vurduğunu açıqlayıb. Sport24.az xəbər verir ki, o, bu barədə sosial şəbəkə hesabında paylaşım edib.
Onun son klubu Braziliya B Seriyasında çıxış edən "Juventude" olub. Müdafiəçi 2016-cı ildə, "Şapekoense"nin heyətində çıxış edərkən təyyarə qəzasına düşüb. Ruşel sağ qalan cəmi üç futbolçudan biri olub. Üç oyunçudan yalnız o, sonradan peşəkar karyerasını davam etdirə bilib.
Ruşel "Juventude"də189 matçda, "Şapekoense"də isə 94 oyunda meydana çıxıb.
Qeyd edək ki, müdafiəçi iki dəfə "Campeonato Gaucho"nu (Rio-Qrande-du-Sul ştatının çempionatı) qazanıb və Braziliya B Seriyasının çempionu olub.
