Idman.biz
"Formula-1" üzrə yeddiqat dünya çempionu Lyuis Hemilton Barselonada keçirilən mövsümöncəsi testlərdə "Ferrari"nin göstərdiyi performansı dəyərləndirib.
İdman.Biz xəbər verir ki, 41 yaşlı britaniyalı pilot "RacingNews365" nəşrinə açıqlamasında komandanın hazırkı vəziyyətindən ümumilikdə razı qaldığını bildirib.
"Testlərə gələndə həmişə daha çox dövrə vurmağı ümid edirsən. Məsələn, səhər sessiyasında 85 dövrə vurdum ki, bu da əladır. Bu, bazada çalışan bütün insanların böyük əməyinin nəticəsidir. Onlar maşının etibarlılığı üçün çox ciddi iş görüblər, ən azı indiki mərhələdə", - deyə Hemilton vurğulayıb.
Britaniyalı pilot ötən mövsümlə müqayisə apararaq əlavə edib ki, əvvəlki il testlər "Ferrari" üçün daha uğursuz başlayıb. Onun sözlərinə görə, yeni reqlament fonunda bu dəfə vəziyyət xeyli yaxşıdır və bu tendensiyanın davam edəcəyinə ümid edir.
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
