Idman.biz
Yaponiyada xizəklə tramplindən tullanmada ölkəni təmsil etmiş 19 yaşlı Asahi Sakano ölüb.
İdman.biz xəbər verir ki, "Nordic Magazine"in məlumatına əsasən, faciə iyulun əvvəlində Yaponiyanın Sapporo şəhərinin Çuo rayonunda baş verib.
Hadisənin detalları açıqlanmasa da, gənc idmançının yaşayış binasının pəncərəsindən yıxıldığı məlumdur. O, dərhal xəstəxanaya çatdırılıb, lakin aldığı ağır xəsarətlər səbəbindən həyatını xilas etmək mümkün olmayıb.
Asahi Sakano 2022-2025-ci illər arasında dörd dəfə gənclər arasında dünya çempionatında iştirak etmişdi. 2023-cü ildə qarışıq komanda yarışında gümüş medal qazanan yığmanın tərkibində yer almışdı. 2024-cü ilin yanvarında isə Sapporoda Dünya kuboku mərhələsində debüt etmişdi.
İdman.biz
