Idman.biz
"Çox məyus oldum, bu arzuyla yaşayırdım".
İdman.biz "Metaratings"ə istinadən xəbər verir ki, bunu rusiyalı fiqurlu konkisürən, qadınlar arasında gənclərin fərdi yarışında Rusiya vitse-çempionu olan Veronika Jilina Beynəlxalq Konkisürmə İttifaqının (ISU) ona idman vətəndaşlığını dəyişməyə icazə verməməsi ilə bağlı qərarını şərh edərkən deyib.
O, yayılan xəbəri təqdiqləyib: "Bəli, mənə həqiqətən də idman vətəndaşlığını dəyişməyə icazə verilmədi. Çox məyusam, bu arzuyla yaşayırdım, hazırlaşırdım, amma əllərimi salmıram, gözləyəcəyəm, görək məni nə vaxt buraxacaqlar. Bu, artıq ardıcıl üçüncü mövsümdür ki, çıxış edə bilmirəm və məcbur olub yarışları buraxmalı oluram. Düşünürəm ki, hər bir idmançı üçün bunun mənəvi cəhətdən nə qədər ağır olduğunu hər kəs anlayır. Mənə dəstək olan hər kəsə – ailəmə, məşqçilərimə, Azərbaycan federasiyasına təşəkkür edirəm".
Qeyd edək ki, ISU Şurasının iclası iyulun 4-5-də Lozannada keçirilmişdi. 2025-ci ilin mayında Jilina Azərbaycan pasportu aldığını açıqlamışdı. Rusiya Fiqurlu Konkisürmə Federasiyasının (FFKKR) İcraiyyə Komitəsi ona icazə vermədiyi üçün idmançı ISU-ya müraciət etmişdi.
İdman.biz
