Oxu.az
UEFA Madrid "Real"ının futbolçuları Kilian Mbappe, Antonio Rüdiger və Daniel Sebalyos haqqında qərarını açıqlayıb.
Oxu.Az xəbər verir ki, bu barədə qurumun rəsmi saytında məlumat yer alıb. Məlumata görə, futbolçular Çempionlar Liqasının 1/8 final oyununda "Atletiko" ilə görüşdə (1:0, 4:2 pen.) qeyri-adekvat davranışda ittiham olunublar.
Qərara əsasən Rüdigerə 40 min avro cərimə və 1 oyunluq şərti diskvalifikasiya (UEFA turnirlərində), Mbappeyə 30 min avro cərimə + 1 oyunluq şərti diskvalifikasiya, Sebalyosa isə 20 min avro cərimə (diskvalifikasiya olmadan) kəsilib.
Şərti diskvalifikasiya 1 il ərzində təkrar qayda pozuntusu halında aktivləşəcək.
