Oxu.az
"Bavariya"nın hücumameyilli yarımmüdafiəçisi Tomas Müller yayda klubunu dəyişəcək.
Oxu.Az "El Gol Digital"a istinadən xəbər verir ki, ulduz oyunçu "Bavariya" ilə müqaviləsini yeniləmək fikrində deyil.
Artıq bir neçə klub onun namizədliyini nəzərdən keçirməyə başlayıb. Xüsusilə, "Barselona"nın idman direktoru Deku onunla maraqlanır. Müller vaxtilə "Bavariya"da birgə çıxış etdiyi "Barselona"nın baş məşqçisi Hans-Diter Fliklə də yaxşı tanışdır.
Müllerin "Bavariya" ilə müqaviləsi cari mövsümün sonunda başa çatır və klub yeni müqavilə təklif etməyi planlaşdırmır.
Tomasın karyerasını MLS-də davam etdirmək imkanı var, üstəlik o, həm də televiziya eksperti olmaq təklifi alıb.
Tomas Müller 2009-cu ildən bütün peşəkar karyerası boyunca "Bavariya"da çıxış edib.
O, Münhen nəhəngi ilə iki dəfə (2013 və 2020-ci illərdə) Çempionlar Liqasının qalibi olub.
Qeyd edək ki, almaniyalı ulduz, bu mövsüm bütün turnirlərdə 35 matça çıxaraq beş qol vurub və beş məhsuldar ötürmə edib.
