Report.az
"Qəbələ - Xankəndi Ultramarafonu"na start verilib.
"Report"un Şimal-qərb bürosunun məlumatına görə, marafondan öncə Qəbələ şəhərində tədbir keçirilib.
Tədbirdə Qəbələ Rayon İcra Hakimiyyətinin başçısı Səbuhi Abdullayev, millət vəkilləri, ictimaiyyət nümayəndələri iştirak ediblər.
Mərasimdə bildirilib ki, Ümummilli Lider Heydər Əliyev tərəfindən başlanılan gənclər strategiyası bu gün ölkə Prezidenti İlham Əliyev tərəfindən uğurla davam etdirilir. Qəbələnin bu gün beynəlxalq miqyaslı tədbirlərə - dövlət başçılarının iştirakı ilə keçirilən zirvə toplantılarına, görüşlərə, sammit və forumlara, beynəlxalq idman yarışlarına ev sahibliyi etdiyi diqqətə çatdırılıb. Vurğulanıb ki, Qəbələ həm də 2025-ci ildə MDB-nin "Gənclər Paytaxtı" seçilib.
Qəbələ şəhər Mədəniyyət Mərkəzinin qarşısından start götürən "Qəbələ - Xankəndi Ultramarafonu" 192 km məsafəni əhatə edir.
Dörd mərhələdən ibarət olan marafonun birinci mərhələsi Qəbələ-Ağdaş, ikinci mərhələsi Ağdaş-Bərdə, üçüncü mərhələsi Bərdə-Ağdam və sonuncu, dördüncü mərhələsi isə Ağdam-Xankəndi marşrutu olacaq.
Qəbələ-Xankəndi marafonunda 6 ölkədən - Azərbaycan, Türkiyə, Rusiya, Gürcüstan, Moldova və Ukraynadan 100-ə yaxın qaçışçı iştirak edir.
Qeyd edək ki, "Qəbələ - Xankəndi Ultramarafonu" aprelin 13-də Xankəndi şəhərində sona çatacaq.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
