Lent.az
Braziliyalı futbol ulduzu Neymar vətənə qayıtdıqdan sonra klubu "Santos"da ilk oyununu keçirib.
Lent.az-ın xarici KİV-ə istinadla xəbərinə görə, o, komandanın heyətinə daxil edilib və "Botafoqo-SP" ilə oyunun ikinci yarısında meydana çıxıb və yekunda görüşün ən yaxşı oyunçusu seçilib.
Demək olar ki, 12 il Avropanın iki ən yaxşı komandasında oynadıqdan və Səudiyyə Ərəbistanındakı qısa müddətdən sonra Neymar peşəkar futbola və doğma "Santos" klubuna qayıdıb.
"Barselona" və PSJ-nin keçmiş ulduzu Paulista çempionatının "Botafogo SP" ilə oyununun ikinci yarısının əvvəlində əvəzedici kimi meydana çıxıb.
Bu məqamda "Santos" 1-0 öndə olub. Lakin bir müddət sonra qonaqlar hesabı bərabərləşdiriblər və oyun heç-heçə başa çatıb.
"Klubumu sevirəm, yenidən bu meydançaya çıxanda hiss etdiklərimə söz yoxdur. Mənə dəqiqələr və oyunlar lazımdır, 100 faiz hazır deyiləm. Bu qədər qaçıb driblinq edəcəyimi gözləmirdim. Düşünürəm ki, 4-5 oyundan sonra özümü daha yaxşı hiss edəcəm".
Braziliya millisinin ulduzu görüşün ən yaxşı oyunçusu seçilib.
Üstəlik, Neymar ad günündə meydançaya çıxıb, fevralın 5-də 33 yaşı tamam olub. Keçən həftə hücumçu 6 aylıq müqavilə imzalayaraq "Santos"a keçidini tamamlayıb.
