Report.az
Milli Olimpiya Komitəsinin (MOK) İdman İdarəsinin baş məsləhətçisi Vaqif Əliyev Şimali Makedoniyanın paytaxtı Skopyedə Avropa Gənclər Yay Olimpiya Festivalının (EYOF) missiya rəhbərlərinin görüşündə iştirak edib.
"Report" xəbər verir ki, yığıncaqda 40-dan çox ölkənin nümayəndələri təmsil olunub.
Festivalın keçirilməsi ilə bağlı hazırlıq prosesini müzakirə edən görüş iştirakçıları təşkilati məsələlər, atletərin yeləşdirilməsi və yaradılan şəraitlə bağlı müzakirələr aparıblar.
Azərbaycan komandası 10 idman növündə (gimnastika, cüdo, üzgüçülük, velosiped, stolüstü tennis, atletika, badminton, taekvondo, dağ velosipedi, atıcılıq) 55 idmançı ilə yarışlarda iştirak edəcək.
XVIII Avropa Gənclər Yay Olimpiya Festivalı iyulun 20-dən 26-dək Skopyedə və Xorvatiyanın Osijek şəhərlərində keçiriləcək.
