top
MOK-da Deflimpiya Hərəkatının tərəqqisi məqsədilə beynəlxalq təşkilatların nümayəndələri ilə iclas təşkil olunub Report.az
08 aprel 2025, 14:06
- +

MOK-da Deflimpiya Hərəkatının tərəqqisi məqsədilə beynəlxalq təşkilatların nümayəndələri ilə iclas təşkil olunub

Milli Olimpiya Komitəsinin (MOK) inzibati binasında, beynəlxalq Karlar İdman Komitəsinin (IKF) və Avropa Karlar İdman Təşkilatının (ECIS) nümayəndə heyəti ilə görüş keçirilib.

"Report" xəbər verir ki, tədbirdə Milli Olimpiya Komitəsinin baş katibi Azər Əliyev, MOK-un idman idarəsinin müdiri Həsənağa Rzayev, beynəlxalq əlaqələr idarəsinin müdiri Anar Bağırov, mətbuat katibi Murad Fərzəliyev, Beynəlxalq Karlar İdman Komitəsinin prezidenti Adam Kosa, komitənin prezident köməkçisi Kristina Horvat, Avropa Karlar İdman Təşkilatının prezidenti İosif Stavrakakis, təşkilatın idarə heyətinin üzvü Burcu Pişkin, Azərbaycan Deflimpiya Komitəsinin idarə heyətinin prezidenti Anar Bayramov və komitənin baş katibi Namiq Novruzov iştirak ediblər.

Görüşün əsas məqsədi Azərbaycan Deflimpiya Komitəsinin fəaliyyətini gücləndirmək, karlar idmanını daha da inkişaf etdirmək və gələcəkdə bu sahə üzrə əməkdaşlıq imkanlarını genişləndirmək olub. Tədbirdə Beynəlxalq Karlar İdman Komitəsinin və Avropa Karlar İdman Təşkilatının təcrübə və resurslarının Azərbaycanın Deflimpiya Hərəkatına dəstəyi müzakirə edilib.

Tədbir iştirakçılarını salamlayan MOK-un baş katibi Azər Əliyev əvvəlcə komitənin fəaliyyəti və Azərbaycan idmanının inkişafı barədə ətraflı məlumat verib. O, Azərbaycanın ev sahibliyi etdiyi beynəlxalq yarışlar və Olimpiya Oyunlarında əldə edilən uğurlardan danışıb. Əlillər idmanına xüsusi diqqət yetirildiyini qeyd edərək, Paralimpiya Oyunlarında Azərbaycan idmançılarının uğurlu çıxış etdiyini vurğulayıb. Baş katib Tokio-2020 Yay Paralimpiya Oyunlarında Azərbaycanın 19 medal qazandığını və bu nəticə ilə 10-cu yeri tutduğunu bildirib.

Azər Əliyev Deflimpiya Hərəkatının çətinliklərini vurğulayaraq, burada yalnız fiziki hazırlıq deyil, həm də zehni hazırlığın önəmli olduğunu qeyd edib. Azərbaycanın Deflimpiya Oyunlarında indiyədək iştirak etmədiyini qeyd edən baş katib, bu il Tokioda keçiriləcək Deflimpiya Oyunlarında ölkəmizin uğurla təmsil olunacağına inandığını bildirib.

Azər Əliyev 2023-cü ildə yaradılan Azərbaycan Deflimpiya Komitəsinin, yeni təşkilat olmasına baxmayaraq çox fəal fəaliyyət göstərdiyini qeyd edib. O, Azərbaycanın I Avropa Oyunlarına, IV İslam Həmrəyliyi Oyunlarına və digər multi-idman yarışlarına ev sahibliyi etdiyini, həmçinin, Deflimpiya Oyunlarının Azərbaycanda keçirilməsi təklifinin çox maraqlı olduğunu vurğulayıb. Azər Əliyev Azərbaycan Milli Olimpiya Komitəsinin bu sahəyə dəstək verməyə hazır olduğunu bildirərək, bu işin Gənclər və İdman Nazirliyi, Əmək və Əhalinin Sosial Müdafiəsi Nazirliyinin dəstəyi ilə daha da irəliləyəcəyini qeyd edib.

Beynəlxalq Karlar İdman Komitəsinin prezidenti Adam Kosa Azərbaycanın karlar idmanına göstərdiyi diqqət və dəstəyi yüksək qiymətləndirib. O, bu cür əməkdaşlıqla Azərbaycan Deflimpiya idmançılarının beynəlxalq arenada daha çox uğur əldə etməsi üçün mühüm imkanların yaradılacağına əmin olduğunu bildirib. Adam Kosa Azərbaycanın Deflimpiya hərəkatını dəstəkləmək və Avropa çempionatı və regional yarışların Azərbaycanda keçirilməsini təşviq etmək üçün dəstək olacağına ümid etdiyini vurğulayıb.

Avropa Karlar İdman Təşkilatının prezidenti İosif Stavrakakis Azərbaycanla əməkdaşlıq etməyin çox müsbət olduğunu və gələcəkdə daha geniş əməkdaşlıq üçün geniş imkanlar olduğunu qeyd edib. O, Azərbaycanın Deflimpiya Oyunlarına qonaq qismində iştirak edəcəyinə ümid etdiyini vurğulayıb. Bu il Tokioda keçiriləcək Deflimpiya Oyunlarında 21 idman növü üzrə 4 minə yaxın idmançının iştirak edəcəyini deyən İosif Stavrakakis həmçinin, 104 ölkənin qeydiyyatdan keçdiyini diqqətə çatdırıb.

Azərbaycan Deflimpiya Komitəsinin İdarə Heyətinin prezidenti Anar Bayramov görüşdə Azərbaycan Deflimpiya Komitəsinin gələcək planları barədə ətraflı məlumat verib. O, Deflimpiya yarışlarının Azərbaycanda keçirilməsinin vacib bir addım olduğunu qeyd edərək, bu sahənin inkişafı üçün daha geniş imkanların yaradılacağını əminliyini bildirib.

Görüşün sonunda, tərəflər qarşılıqlı əməkdaşlığın genişləndirilməsi və gələcəkdə daha sıx əlaqələrin qurulması ilə bağlı razılaşmalar əldə ediblər. Bu cür görüşlərin Azərbaycanın beynəlxalq idman sahəsində mövqeyini gücləndirməklə ölkəmizin Deflimpiya Hərəkatının dəstək baxımından böyük əhəmiyyət kəsb etdiyi vurğulanıb.

Sonda MOK-un baş katibi Azər Əliyev Beynəlxalq Karlar İdman Komitəsinin prezidenti Adam Kosaya MOK-un xüsusi hədiyyəsini verib. Görüşün sonunda xatirə şəkli çəkdirilib.

Qarabağ FK

Son xəbərlər

Futbol
Bu gün, 10:20

"Araz-Naxçıvan" "Bayburtspor"la Yoxlama Oyunu Keçirəcək

Digər
Bu gün, 10:13

Antidopinq İntizam və Apellyasiya Komitələri üçün "Nəticələrin Emalı" təlimi keçirilib

Futbol
Bu gün, 10:08

"Araz-Naxçıvan" "Bayburtspor"la yoxlama oyununda qarşılaşacaq

Futbol
Bu gün, 10:00

"Qarabağ" Markinyos transferi ilə bağlı yayılan xəbərlərə aydınlıq gətirdi

Futbol
Bu gün, 09:55

"Çelsi" Klublararası Dünya Çempionatında Finala Yüksəldi və Artıq 110 Milyon Dollar Qazandı

Futbol
Bu gün, 09:50

"Araz-Naxçıvan" Türkiyədə "Bayburtspor"la ilk yoxlama oyununa çıxır

Futbol
Bu gün, 09:40

"Qarabağ"ın Çempionlar Liqasıdakı rəqibləri "Şelburn" və "Linfild" Dublində qarşılaşır

Futbol
Bu gün, 09:39

Transfer Bazarı Qızışır: Klublar Yüz Milyonları Xərcləyir, Liderlər Kimlərdir?

Şahmat
Bu gün, 09:33

Qadınlar arasında Dünya Kuboku: Azərbaycanlı şahmatçılar 1/32 finalda mübarizə aparacaq

Futbol
Bu gün, 09:20

Donald Tramp Klublararası Dünya Çempionatının Finalında İştirak Edəcək

Futbol
Bu gün, 09:19

UEFA avrokuboklarının pley-offunda ev sahibi üstünlüyü liqa mərhələsindəki yerlərə əsasən müəyyənləşəcək

Futbol
Bu gün, 09:17

Klublararası Dünya Çempionatı: PSJ - "Real" yarımfinal oyunu

Futbol
Bu gün, 09:10

Çempionlar Liqası: "Qarabağ"ın potensial rəqiblərinin ilk oyunları

Futbol
Bu gün, 09:05

Klublararası dünya çempionatı: PSJ - "Real" yarımfinal oyunu bu gün

Futbol
Bu gün, 09:00

"Kəpəz"in transfer hədəfləri: Şükürov hansı mövqeləri gücləndirmək istəyir

Futbol
Bu gün, 08:40

Leandro Paredes yetirməsi olduğu "Boka Xuniors"a transfer olunur

Futbol
Bu gün, 08:20

Rodriqo de Paul "İnter Mayami"yə keçməyə razılıq verib

Futbol
Bu gün, 05:16

"Fluminense" "Çelsi"ni məğlub edərək finala yüksəlib

Futbol
Bu gün, 02:00

"Qalatasaray" Osimhen üçün "Napoli"yə 75 milyon avroluq təklif göndərdi

Futbol
Bu gün, 01:22

Çempionlar Liqasında ilk oyunlar: Zamiq Əliyevin komandası qələbə qazandı, "Qarabağ"ın potensial rəqibləri də mübarizəyə qoşulur

Futbol
Bu gün, 01:03

"Çelsi" Klublararası Dünya Çempionatının Finalında!

Futbol
Bu gün, 00:32

Corco Kyellini "Los-Anceles" klubunun həmsahibi oldu

Futbol
Bu gün, 00:00

Konfrans Liqası: 2025/26 mövsümünə start verildi, ilk oyunlar baş tutdu

Tennis
Dünən, 23:38

Uimbildon Open-də ilk yarımfinalçılar: Alkaras, Frits, Sabalenka və Anisimova

Oxşar xəbərlər