Report.az
Fevralın 7-də Milli Olimpiya Komitəsinin (MOK) inzibati binasında "Beynəlxalq Olimpiya Komitəsinin idmançıların psixi sağlamlığı və təhlükəsizliyinə dair metodiki vəsaitlərin təqdimatı" mövzusunda seminar keçirilib.
MOK-un mətbuat xidmətindən "Report"a verilən məlumata görə, tədbirdə qurumun idman şöbəsinin baş məsləhətçisi, "Təhlükəsiz idman" üzrə BOK-un setifikatlaşdırılmış mütəxəssisi Vaqif Əliyev, Azərbaycan Taekvondo Federasiyasının vitse-prezidenti Niyaməddin Paşayev, Azərbaycan Cüdo Federasiyasının təhsil şöbəsinin müdiri Orxan Oruczadə, federasiya nümayəndələri və məşqçilər iştirak ediblər.
Tədbiri giriş sözü ilə açan Vaqif Əliyev idmançıların psixi sağlamlığı və təhlükəsizliyinə dair metodiki vəsaitlər barədə məlumat verib. MOK-un nümayəndəsi çıxışında "Təhlükəsiz idman"ın idman siyasətində yeri və rolu, bu istiqamətdə görülmüş işlərdən danışıb.
Federasiyaların bu sahədə mümkün qədər maarifləndirilməsinin vacibliyinə toxunan Vaqif Əliyev "İdmançıların idmanda qısnama və zorakılıqdan müdafiəsi", Beynəlxalq Olimpiya Komitəsinin elit idmançıların psixi sağlamlığı", "İdmanda böyüklərin beynəlxalq müdafiə təminatlarının hazırlanması", "İdmanda uşaqların beynəlxalq müdafiə təminatları" adlı metodiki vəsaitlərin bu mövzuda əhəmiyyətli olacağını bildirib. O, hazırlanan vəsaitlərin Azərbaycan və rus dillərində tərcümə olunduğunu deyib.
Seminarda çıxış edən Azərbaycan Cüdo Federasiyasının təhsil şöbəsinin müdiri Orxan Oruczadə hazırlanan vəsaitlərin vacibliyini, elit idmançıların psixi sağlamlığının və hazırlığının əhəmiyyətini qeyd edib.
Vəsaitin federasiyalar, məşqçilər və həkimlər üçün faydalı olacağını bildirən federasiya nümayəndəsi psixi sağlamlığın simptomları və dəyişiklikləri barədə də danışıb. Qeyd olunub ki, vəsait belə problemləri müşahidə edib, aradan qaldırmaqda və ilkin psixoloji yardımın həyata keçirilməsində böyük kömək olacaq.
Tədbirin sonunda federasiya nümayəndələrinin sualları cavablandırılıb.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
