Lent.az
İngiltərənin "Mançester Siti" futbol klubunun əsas bombardiri Erlinq Haaland İngiltərə kubokunun 1/4 finalında "Bornmut"la oyunda sol topuğundan zədə alıb. Norveçli futbolçu mövsümün sonuna səkkiz tur qalmış sıradan çıxıb.
Lent.az-ın xarici mediaya istinadla xəbərinə görə, martın 31-i axşam komandanın mətbuat xidməti əsas snayperinin səhhətinin vəziyyəti ilə bağlı məlumat yayıb. Hücumçu İngiltərə Kubokunun 1/4 finalında "Bornmut"la səfər oyunun ikinci hissəsində zədələnib.
Həmin görüşdən sonra Erlinq Haalandın tibbi yardıma ehtiyacı olub. O, arenanı qoltuqaltı və qoruyucu ayaqqabılarda tərk edib.
Klub ümid edir ki, Erlinq mövsümün sonuna qədər meydana qayıdacaq. Amma son qərar ikinci müayinədən sonra veriləcək.
Bir neçə mənbəyə görə, Haaland mövsümün qalan hissəsini buraxa bilər. Onun "Mançester Siti"yə yalnız yayın əvvəlində, ABŞ-da klublararası dünya çempionatı başlayanda kömək edə biləcəyi proqnozlaşdırılır.
Norveçli futbolçu indiyədək rəqib qapılarına 21 qol vuraraq Premyer Liqanın bombardiri siyahısında ikincidir. Burada lider "Liverpul"un futbolçusu Məhəmməd Salahdır (27).
Yanvarın əvvəlində Erlinq Haaland "Mançester Siti" ilə yeni 10 illik müqavilə imzalayıb.
