Idman.biz
Beynəlxalq Konkisürmə İttifaqının (ISU) Şurası rusiyalı fiqurlu konkisürən Veronika Jilinanın Azərbaycan yığmasına keçidinə icazə verməyib.
İdman.biz xəbər verir ki, bu barədə TASS məlumat yayıb.
Daha əvvəl Rusiya Fiqurlu Konkisürmə Federasiyasının (FFKKR) prezidenti Anton Sixarulidze 17 yaşlı idmançının Azərbaycan millisində çıxış etməsi üçün müraciətin təşkilatın İcraiyyə Komitəsi tərəfindən təsdiqlənmədiyini açıqlamışdı. Sonradan məlum olmuşdu ki, Jilina Rusiya millisində keçirdiyi son iki mövsüm ərzində ona çəkilən xərcləri – 1 milyon rubl (təxminən 21,7 min manat) məbləğində vəsaiti – FFKKR-ə geri qaytarıb.
İkiqat Olimpiya çempionu Yevgeni Plyuşenkonun akademiyasında məşq edən Jilina son iki mövsümü səhhətindəki problemlər səbəbindən buraxıb.
İdman.biz
