Idman.biz
Beynəlxalq Konkisürmə Birliyi (ISU) Çunçin şəhərində keçirilən ISU Fiqurlu Konkisürmə Qran Prisindən sonra Çin fiqurlu konkisürənləri Jen Cunfey və Sin Tszyanin haqqında araşdırma başladıb.
İdman.Biz-in Associated Press-ə istinadən verdiyi məlumata görə, araşdırma, konkisürənlərin sərbəst konkisürmə yarışından sonra baş verən hadisədən qaynaqlanıb. Hadisədə konkisürənlər "kiss and cry" zonasında əllərində DF-61 ballistik raketi formasında oyuncaq tutublar.
ISU-nun məlumatına görə, oyuncağın tamaşaçılar tərəfindən çıxışdan sonra buzun üzərinə atıldığı ehtimal edilir. Təşkilat hadisəni "qəbuledilməz" adlandırıb və daxili araşdırmaya başlayıb.
DF-61 raketi Çinin bu ilin sentyabr ayında Pekində keçirilən hərbi paradda nümayiş etdirilən yeni nüvə başlığı daşıya bilən qitələrarası ballistik raketidir.
