Idman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.biz-in təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Bu həftə çox əlverişli olacaq. Özünüzə güvəndiyiniz halda arzuladığınız məsələni həll edəcəksiniz. Öz fəaliyyət sahənizi dəyişmək, yaxınlarınızdan qiymətli hədiyyə almaq, yeni romantik münasibətlərə başlamaq, yaxud həyatınızı dəyişmək üçün real fürsət əldə edəcəksiniz. Həftəiçi diqqət çəkəcəksiniz. Çox insan sizinlə münasibət qurmaq istəyəcək. Avarçəkmə, atıcılıq, qaçış, qılıncoynatma, güləş və velosiped idmanında nailiyyətlər qaçılmazdır.
Buğa
Ciddi münasibətlərə hazır olmasanız belə, size bu həəftə sürpriz gözləyir – bu, daha çox özünü sevgidə büruzə verəcək. Bilin ki, çoxları uğurunuzu həzm edə bilmir. Lakin onlardan əsla çəkinməyin, qarşınızda çox cəsarətsizdirlər. Həftəsonu əsəbi və çox yorğun ola bilərsiz - çalışın bol istirahət edin. Karate, güləş, boks, şahmat və üzgüçülük idman növlərində bol-bol uğurlar vəd edilir.
Əkizlər
Şəxsi münasibətlərdə hisslərinizi gizlətməyin - birindən xoşunuz gəlirsə, çəkinmədən bunu etiraf edin, yoxsa sevgi qatarınız əldən gedəcək. Valideynlərinizi də unutmayın və onlarla mümkün qədər çox vaxt keçirin. Tətilə çıxmaq, gözəl istirahət etmək üçün əsl vaxtdır. İşsiz olanlar həftəsonu özünə yeni, gəlirli iş tapacaqlar. Gimnastika, avarçəkmə, sambo və güləş növləri ilə məşğul olanların xoş müjdələr alacağı qaçılmazdır.
Xərçəng
Bu həftə Xərçənglər birdən-birə sevgi əskikliyini hiss edəcəklər. Lakin bu, sizin günahınız ola bilər - sizi sevənlərə çox az vaxt ayırdığınız üçün, onlar da sizə qarşı soyuyur. Həftənin sonunda kimin dost, kimin düşmən olduğunu öyrənəcəksiz. Bunu vaxtında başa düşsəniz və onunla əlaqəni qırsanız, zərər görməyəcəksiz. Üzgüçülük, futbol, cüdo, güləş və karate ilə məşğul olan idmançıların bəxti üzlərinə güləcək.
Şir
Həftənin əvvəli işgüzar səfərlər və danışıqlar üçün çox əlverişli olacaq. Ancaq həftənin sonunda hər hansı bir səfərdən imtina etmək daha yaxşıdır, çünki olduqca uğursuz görünür. Sevgilinizlə münasibətlər daha da möhkəmlənəcək, xoşbəxt anlar yaşayacaqsınız. Həftəsonu gözlənilməz hadisələrə hazır olun - dəyişikliklər yaxşılığa doğru olacaq. Voleybol, stolüstü tennis, hokkey, həndbol və basketbol növlərində hədsiz uğurlar gözlənilir.
Qız
Bu dövr sizin üçün çox rahat keçəcək. Həftənin ortasında kiçik problemlər sizi ruhdan sala bilər, lakin həftənin sonunda vəziyyət yaxşılaşmağa başlayacaq. Bu həftə tələbə və məzunlar ən çox sevinən şəxslər olacaqlar, çünki çoxdan gözlədikləri xəbəri alacaqlar. Pul qazanmaq üçün yeni imkanlar yaranacaq - uğurlu iş birliyi gözlənilir. Atletika, avarçəkmə, atıcılıq, çövkən, güləş və cüdo növləri ilə məşğul olanlar üçün şanslı həftədir.
Tərəzi
Həftə sizə cansıxıcı gəlsə də, çalışın dəyişin. Həftəsonu səfərə çıxın, bol-bol istirahət edin. Şəxsi münasibətlərinizdə soyuqluq yarana bilər, davalardan uzaq durmağa çalışın. Ortada anlaşılmazlıq varsa, bunu partnyorunuzla birlikdə, sakitcə həll etməyə çalışın. Maddi durumunuzda problemlər yarana bilər - bədxərc olmasanız, bu problemlə rastlaşmayacaqsınız. Həndbol, voleybol, basketbol, futzal, güləş və atıcılıq idman növlərində uğurlar vəd olunur.
Əqrəb
Bu həftə Əqrəblər seçim arasında olacaqlar - bu sevgi, iş seçimi və ya alış məsələsi ola bilər. Düzgün seçim etmək üçün vaxtınız az olacaq, lakin altıncı hissinizə güvənsəniz, bunu bacaracaqsınız. İşə qarşı məsuliyyətli olun, əks təqdirdə müdiriyyətin ciddi qınağına tuş gələ bilərsiniz. Stolüstü tennis, boks, futbol, cüdo və şahmatla məşğul olanlar üçün uğurlar qaçılmazdır.
Oxatan
Bu həftə həyat sizi sınayacaq - işlər alınmasa belə, ruhdan düşməyin və güclü olun, çünki bu sınaqdan keçən hər kəsi sonda xoşbəxt günlər gözləyir. Maddi cəhətdən problem olmayacaq, hətta kiçik artım gözlənilir. Həftənin ortasında tək qalmaq daha yaxşıdır - çox səs-küylü yerlərə getməyin. Sevgilinizlə romantik anlar yaşayın - hədiyyə almaq, sürprizlər etmək aranızdakı münasibətinizi daha da möhkəmləndirəcək. Basketbol, cüdo, sambo, tennis, həndbol və voleybolçular üçün yaxşı başlanğıc olacaq.
Oğlaq
Həftənin sonuna qədər əhəmiyyətli pul axını gözlənilir - bu sizin zəhmətinizin bəhrəsi olacaq. Keçmiş sevgilinizlə bağlı bütün xatirələri silmək məsləhət görülür. Yeni biznes açmaq, kurslara yazılmaq üçün əlverişli həftədir - ümumiyyətlə, həyatınızda yeniliklər edin, darıxdırıcı həyata son qoyun. Güləş, cüdo, stolüstü tennis, gimnastika və karate ilə məşğul olanları şəxsi həyatları ilə bağlı xoş müjdələr gözləyir.
Dolça
Bu həftə istənilən işiniz sizin üçün çox asan gələcək. Bundan əlavə, işdə həmkarlarınızdan və müdirinizdən məsləhət istəməkdən çəkinməyin - bu, yeni zirvələrə çatmağınıza kömək edəcək. Partnyorunuz tərəfindən xoş sürprizlər gözlənilir. Çoxdandır fikrinizdə olan proyektləri reallaşdırmaq üçün əsl vaxtdır - ilk addımı atın. Futzal, minifutbol, karate, basketbol və güləş idman növlərində uğurlar qazanmaq şansı böyükdür.
Balıqlar
Bu həftə Balıqlar ciddi qərarlar verəcəklər. İşlərinizin müsbət yöndə gedəcəyi ehtimalı çoxdur. Həftənin əvvəlində sizi unudulmaz səfərlər və maraqlı insanlarla görüşlər gözləyir. Tanışlıq çox faydalı ola bilər. Həftənin sonunda diqqətinizi məişət problemlərinə yönəltməyin, çünki bu, lazımsız münaqişələrə səbəb ola bilər. Atçılıq, voleybol, otüstü hokkey, üzgüçülük və qaçış növlərində uğurlar gözləniləndir.
İdman.biz
